හිටපු අගමැති මාලදිවයිනෙ නැවතීමට යන කතාව බොරු නාමල්..

තම පියා වන හිටපු අග්‍රාමාත්‍ය මහින්ද රාජපක්ෂ මහතා මාලදිවයිනේ තාවකාලිකව පදිංචියට යාමට කටයුතු කරමින් සිටින බවට පළවන මාධ්‍ය වාර්තා ප්‍රතික්ෂේප කරන බව පාර්ලිමේන්තු මන්ත්‍රී නාමල් රාජපක්ෂ මහතා පවසයි.

මාලදිවයින් පාර්ලිමේන්තුවේ කථානායක ජනාධිපති මොහොමඩ් නෂීඩ් මේ වන විට හිටපු අග්‍රාමාත්‍ය මහින්ද රාජපක්ෂ මහතාට සහ ඔහුගේ පවුලේ අයට ආරක්ෂිත මාර්ගයක් ලබා දෙමින් සිටින බව මාලදිවයින් ජර්නලය (TMJ) වාර්තා කර තිබුණි.

වාර්තාවට අනුව මාලදිවයින් රජයේ ජ්‍යෙෂ්ඨ නිලධාරියෙකු ප්‍රකාශ කර ඇත්තේ ඔහු ඉල්ලා අස්වීමෙන් පසු මහින්ද රාජපක්ෂ නෂීඩ්ට කතා කර ශ්‍රී ලංකාවේ තත්ත්වය සමනය වන තුරු ඔහුගේ පවුලේ අයට මාලදිවයිනේ රැඳී සිටීමට කටයුතු කරන ලෙස ඉල්ලා සිටි බවයි.

නෂීඩ්ගේ සමීපතමයෙකු වන ඉන්දියාවේ සෝනු ශිව්දාසානිට අයත් සොනෙවා ෆුෂි හි පෞද්ගලික නිවසක් රාජපක්ෂවරුන්ට මිලදී ගැනීමට නෂීඩ් යෝජනා කර ඇති බව වාර්තා විය.TMJ වාර්තාව තවදුරටත් කියා සිටියේ සෝනු ශිව්දාසනි රාජපක්ෂ පවුලට ඇමරිකානු ඩොලර් මිලියන 12 ක වියදමකට පෞද්ගලික විලා එකක් විකිණීමට එකඟ වූ බවයි.

ඇමෙරිකානු ඩොලර් මිලියන 3ක මිලකින් යුත් අතිරේක විලා එකක් ද පවුලේ කාර්ය මණ්ඩලය සහ ආරක්ෂාව සඳහා නිවාස ලෙස භාවිතා කිරීමට ගනුදෙනුවට ඇතුළත් බව පැවසේ.